Бүгенге көнгә Татарстанда 36 680 кеше Россия Дәүләт Думасы депутатларын сайлауда «Мобиль сайлаучы» механизмы ярдәмендә тавыш бирергә җыена. ТР Үзәк сайлау комиссиясе рәисе Андрей Кондратьев «Сайлау ноктасы» мәгълүмати үзәгендә узган брифингта шул хакта хәбәр итте, дип яза «Татар-информ».
«Бу – теркәлгән урын буенча түгел, ә үзләре теләгән урында тавыш бирү өчен мөрәҗәгать иткән һәм гариза калдырган кешеләр», – дип аңлатты ул.
Ул шулай ук 292-84-33 һәм 8-800-200-00-20 кайнар элемтә телефоннарына сайлаучылардан 450гә якын шалтырату килүен әйтте.
